نعت رسول مقبول ﷺ

نَعتِ رَسُول مقبول ﷺ: تیری کیا شان ہے

اشرف الانبیاء تیری کیا شان ہے
تیری توصیف میں سارا قرآن ہے

تیرے قدموں پہ شمس و قمر جھک گئے
تیرے انوار پر جان قربان ہے

ہے مزمل کہیں اور مدثر کہیں
بس تری مدح میں سارا قرآن ہے

ہیں جو یہ مہر و مہہ میں ضیا پاشیاں
نور کا تیرے ادنی سا فیضان ہے

اے حبیب خدا شاہ کون و مکاں
تم ہو حاجت روا میرا ایمان ہے

تو ہے ایسا بشر تجھ سا کوئی نہیں
خلق پر تیری رحمت کا احسان ہے

ہو دم آخری لب پہ یا مصطفٰی
مرتے مرتے یہی ایک ارمان ہے

تیری چاہت ہی ہے حاصل زندگی
تجھ پہ صدقے دل و جان و ایمان ہے

میں کہاں اور کہاں نعمت سرکار کل
یہ تو اجمل شہ دیں کا فیضان ہے

سَیّد مُحَمّد اَجمَل حُسَین کِچھوچَھوی

*****************************************************************************************************************

TERI kya shaan hai : نَعتِ رَسُول مقبول ﷺ

Ashraf-ul-Ambiya TERI kya shaan hai
Teri tauseef mein saara Qur'aan hai

Tere QadmoN pe shams-o-Qamar Jhuk gaye
Tere Anwaar par Jaan Qurbaan Hai

Hai Muzammil KahiN aur Mudassir KahiN
Bas Teri Midha mein saara Qur'aan Hai

Hain jo ye Mahr o Mai mein zeya paashiyaan
Noor ka Tere adna sa Faizan hai

Ai Habeeb e Khuda Shah e Kaun o Makan
Tum ho Hajat rawa mere eemaan hai

Tu hai aisa bashar tujh sa koi nahi
Khalq par teri Rahmat ka ehsaan hai

Ho Dam e Aakhiri, Lab pe ya Mustafa
Marte marte yahi ek armaan hai

Teri Chahat hi hai, Haasil e Zindagi
Tujh pe Sadqe Dil o Jaan o Eemaan hai

Main kahan aur Kahan Naat e Sarkar e Kul
Ye to AJMAL shahe deen ka Faizan hai

**********************************************************
Syed Mohammed Ajmal Husain Kichhauchhavi
***********************************************************

=*=*=*=*=*=*=*=*=*=*=*=*=*=*=*=*=*=*=*=*==*=*=*=*=*==*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=*=